Sinqapur Milli Universiteti tərəfindən 957 çinli üzərində aparılan araşdırmada yaddaş itkisi ilə bağlı əhəmiyyətli nəticələr əldə edilib. Tədqiqata görə, hər gün istehlak edilən çay yaddaş itkisi problemlərini 50% nisbətində azaldır. Alzheimer üçün risk qrupundakı yaşlılarda isə bu göstərici 86%-ə çatıb.

Aztibb.az xəbər verir ki, bu tədqiqat sadə və bahalı olmayan bir üsulla insanın yaşlılıq dövründə məruz qalacağını problemlərin qarşısını ala biləcəyini müəyyənləşdirib.

Tədqiqatda iştirakçıların 2003-2005-ci illərdə istehlak etdikləri çay miqdarı haqqında məlumatlar mütəxəssislərə təqdim edilib. 

Araşdırmaçılar daha sonra iştirakçıların yaddaş səviyyələrini 2010-cu ilə qədər iki ildə bir ölçüblər.

Bundan əlavə, araşdırma zamanı fərdlərinin həyat tərzi, sağlamlıq vəziyyəti, fiziki və ictimai fəaliyyətləri mövzusunda da məlumat toplanıb.