Bayram günlərində Sumqayıt Təcili Təxirəsalınmaz Yardım Stansiyasına ümumilikdə 1555 çağırış daxil olub. Təcili Təxirəsalınmaz Tibbi Yardım Stansiyasının əməkdaşları hər bir müraciətə operativ və diqqətlə yanaşıblar.

 

Bu barədə Aztibb.az-a Sumqayıt Tibb Mərkəzindən məlumat verilib.

 

Bildirilib ki, çağırışlardan 24-ü zəhərlənmə ilə bağlı olub. Onlardan 17-si dəm qazından, 4-ü dərmandan və 3-ü isə qidadan zəhərlənib.

 

Qeyd edək ki, Sumqayıt Təcili Təxirəsalınmaz Tibbi Yardım Stansiyası şəhər ərazisi ilə yanaşı, 13-cü mikrorayon və H.Z.Tağıyev qəsəbəsində də fəaliyyət göstərir. Stansiyada 93 həkim və 120 orta tibb işçisi əhalinin sağlamlığının keşiyindədir.