Qaraciyər toksinlərlə dolduqda bu, sağlamlıqla bağlı müxtəlif problemlərin yaranmasına gətirib çıxarır.
Bir sıra məhsullar qaraciyəri toksinlərdən təmizləməyə, onun düzgün işini təmin etməyə kömək edir.
Aztibb.az medikforum.ru saytına istinadla belə məhsullardan biri olan sarımsağın qaraciyər üçün faydalarını təqdim edir:
Ədviyyatlı tərəvəz orqanizmdən toksinləri birbaşa çıxarmır. Bunun əvəzinə, o qaraciyəri stresdən müdafiə edən antioksidləşdirici olan qlütationun təbii şəkildə orqanizmdə yaranmasına kömək edir. Bu, qaraciyərin fəaliyyətini yaxşılaşdırır, onu daha az xəstəliklərə və iltihaba meyilli edir. Mütəxəssislər təsdiq edirlər ki, yaş artdıqca orqanizmin qlütation istehsal etmək qabiliyyəti aşağı düşür. Sarımsağın rasiona əlavə edilməsi isə onun səviyyəsinin sadə və effektiv yüksəldilməsi üsuludur.
Sarımsağın tərkibi, həmçinin selenlə zəngindir. Bu mikroelement, qlütation kimi, qaraciyərin toksinlərdən müdafiəsini yaxşılaşdıraraq antioksidləşdirici kimi təsir edir.
Sarımsağı necə yemək faydalıdır?
Sarımsağı çiy halda istifadə etmək daha faydalıdır, həm də yeməkdən əvvəl onu doğramaq və ya əzmək lazımdır. Bu, tərəvəzin faydalı birləşmələrinin üzə çıxmasına imkan yaradır.