İnsan yaşlaşdıqca damarların sağlamlığı pozulur - damarlar elastikliyini itirir, daha kövrək və partlamaya meylli olur, damarların daxilində xolesterin yığılır. Nəticədə damarlar daralır və bəzən tam qapanır.

 

Aztibb.az xəbər verir ki, ürək-damar cərrahiyyə uzmanı Cabir Gülmalıyevin sözlərinə görə, bu prosesi mümkün qədər ləngitmək üçün yaşımızdan asılı olmayaraq damarların sağlamlığına faydalı gələcək tövsiyələrə əməl etməliyik:

- Duz və şəkər qəbuluna diqqət etməliyik.

- Siqaret və spirtli içkilərdən uzaq durmalıyıq.

- Artıq çəki və piylənmə varsa, sağlam yolla arıqlamalıyıq.

- Gün ərzində kifayət qədər su içilməlidir.

- Fiziki aktiv olmaq lazımdır (minimum gündə 30 dəqiqə gəzmək).

- Qidalanmada doymuş yağ qəbulunu məhdudlaşdırmaq lazımdır.

- Mövsümə uyğun meyvə-tərəvəz qəbul edilməlidir.

- Meyvə-tərəvəz çox, qırmızı ət az yeyilməlidir.

- Süd və süd məhsulları az yağlı olaraq qəbul edilməlidir.

- Rasionda balıq olması məsləhətdir.