Mərkəzi Gömrük Hospitalının Ümumi cərrahiyyə şöbəsinin rəisi, t.f.d., ümumi cərrah Namiq Novruzov 23-27 mart 2022-ci il tarixlərində Türkiyənin Antalya şəhərində keçirilən XXII Beynəlxalq Cərrahiyyə Konqresində iştirak edib.

 

Aztibb.az xəbər verir ki, beynəlxalq konqresdə dünyanın 30-a yaxın ölkəsindən 2 500-dən çox cərrah iştirak edib.

 

Tədbirdə Mərkəzi Gömrük Hospitalının Ümumi cərrahiyyə şöbəsinin rəisi, t.f.d., ümumi cərrah Namiq Novruzov “Qaraciyər transplantasiyasından sonra erkən qreft disfunksiyası proqnozlaşdırılmasında Histonların rolu” mövzusunda çıxış edib.

 

N.Novruzovun təqdimatı böyük maraqla qarşılanıb, məruzəçi bir çox sualları cavablandırıb.

 

Beynəlxalq konqresdə, həmçinin cərrahiyyədə yeniliklər, qaraciyər və öd yollarının cərrahiyyəsi sahəsində əldə edilən uğurlar barədə danışılıb, cərrahiyyəyə dair videolar nümayiş etdirilib, müalicə prinsipləri və cərrahiyyə sahəsində aparılan işlər ətrafında geniş müzakirələr yer alıb. Tədbirin sonunda iştirakçılara sertifikatlar təqdim edilib.