Ümumdünya Səhiyyə Təşkilatı (ÜST) Ukraynada tibb müəssisələrinə 64 hücum faktını təsdiqləyib.
Aztibb.az-ın xəbərinə görə, bunu təşkilatın Baş katibi Tedros Adhanom Qebreyesus keçirdiyi brifinqdə qeyd edib.
“ÜST müharibə başlayandan səhiyyə müəssisələrinə 64 hücumu təsdiqləyib və biz digər hücumların təsdiqlənməsi prosesini aparırıq. Səhiyyəyə hücum dayandırılmalıdır. Səhiyyə sistemləri, obyektləri və səhiyyə işçiləri hədəf deyillər və heç vaxt da olmamalıdırlar”, - deyə Qebreyesus bildirib.
ÜST-nin Fövqəladə Hallar Proqramının direktoru Mayk Rayan bildirib ki, müharibə səbəbindən milyonlarla ukraynalı qaçqın düşüb. Qaçqın ailələrin 32%-də xroniki xəstə, 20%-ə yaxınında isə əlil var.
M. Rayan əlavə edib ki, Ukraynada səhiyyə müəssisələrinə getmək bir çox hallarda həyati təhlükəyə çevrilir.
