“Həkimlərimizi tanıyaq!” rubrikamızda sizlərə pasiyentləri arasında böyük rəğbət qazanmış həkim-nevroloq Könül Əhmədova haqqında məlumatları təqdim edirik.
Könül Gülhüseyn qızı Əhmədova 1 avqust 1983-cü ildə anadan olub. 2000-ci ildə N.Nərimanov adına Azərbaycan Dövlət Tibb Universitetinin Müalicə-profilaktika fakültəsinə daxil olub. 2006-2007-ci illərdə Mirqasımov adına Respublika Klinik xəstəxanada nevrologiya ixtisası üzrə internatura keçib.
O, 2008-ci ildən 5 saylı Şəhər Klinik Xəstəxananın Nevrologiya şöbəsində həkim-nevroloq vəzifəsində çalışır.
2019-cu ildə İzmir şəhərində Ege Universitetində praktiki kurs keçib. İşlədiyi müddətdə bir sıra beynəlxalq konfrans, seminar və təlimlərin iştirakçısı olub.
Hazırda Nərimanov Tibb Mərkəzinin Nevrologiya şöbəsində həkim-nevroloq vəzifəsində çalışır.
