Aztibb.az xəbər verir ki, həkim-fitoterapevt Fizuli Hüseynov bildirib ki, birinci növbədə qəbizliyin qarşısı alınmalıdır. Bunun üçün Qafqaz kefiri əvəzolunmaz bir vasitədir, çünki çat zamanı bəzən bağırsaq mikroflorası da pozula bilir, kefir pozulmuş mikrofloranı normallaşdırır:

 

"Gündə 3 dəfə yeməkdən əvvəl 1 stəkan Qafqaz kefiri içilir və hər stəkana 1 çay qaşığı üyüdülmüş zəyərək toxumu qarışdırılır. Zəyərəyin tərkibindəki selik bağırsaq divarını bürüyür və çatın genişlənməsinin qarşısını alır.

 

İkinci növbədə, 50 qram keçi piyi, 50 qram arı mumu, 30 qram zeytun yağı, 30 qram çaytikanı yağı, 1 çay qaşığı İran xınası, 20 qram propolis, 1 çay qaşığı palıd qabığı tozu götürülür, piy və mum əridilir, sonra propolis əlavə olunur, bitki tozları çox narın üyüdülərək qarışığa əlavə olunur. Qarışdırıldıqdan sonra od üzərindən götürülür, ikiqat tənzifdən süzülür, sonra şam formasına salınır və soyuducuya qoyulur. Hər gün axşam və səhər 1 ədəd şam düz bağırsağa yeridilir".