Uzman-terapevt Çinarə Səfərova bildirib ki, bu səbəbdən sümüklər həddindən artıq kövrək olub və cüzi bir zədə nəticəsində qırılırlar. Osteoporoz diaqnozu qoyulan xəstələrdə düz yolda ayaq büdrəməsi, ağır qapını açmaq və ya ayaqların üzərinə ağır kitabı düşürmək kimi sadə bir travmalar ağır sınıqlarla nəticələnə bilər.

 

"Osteoporoz sümük toxumasının ən yayılmış xəstəliyi olub, qadınlarda kişilərə nisbətən 2 dəfə çox rast gəlinir", - deyən həkim qeyd edib ki, ilkin mərhələlərdə osteoporoz özünü büruzə vermir:

 

"Xəstəliyin başlanmasından 10 ilə yaxın keçə bilər, xəstə isə onun bədənində nə proseslər baş verdiyindən xəbərsiz olur. Sümük kütləsinin azalması ağrılarla müşahidə olunmur, çox nadir hallarda xəstələr bel nahiyəsində sızıltı hiss edirlər. Osteoporozun ilk əlaməti anidən baş verən, hər hansısa sümüyün patoloji sınmasıdır".