Hazırda insanlar arasında vitaminlərə, qida əlavələrinə böyük tələbat duyulur. Lakin bu vitaminlərin və qida əlavələrinin sağlamlığımıza müsbət təsir edib-etməyəcəyi sual doğurur.

Sosial şəbəkələrdə tez-tez satışına rast gəldiyimiz bu məhsulların keyfiyyəti isə məlum deyil.

Aztibb.az xəbər verir ki, Mərkəzi Gömrük Hospitalının Təcili Yardım şöbəsinin rəisi, təcili yardım həkimi Nərgiz Kərimova “AzTV xəbər”ə bununla bağlı müsahibə verib.

Həkimin sözlərinə görə, tərkibi, istehsalçısı məlum olan vitamin və qida əlavələrini alarkən onların qutularının tamlığı yoxlanılmalıdır. Həmçinin bu məhsulların qutusunda hər hansı bir zədənin olub-olmamasına diqqət yetirilməlidir.