Qəbizlik az hərəkət edənlərdə, az su içənlərdə, bağırsaq uzanmalarında, daima quru yeməklərlə qidalananlarda daha çox olur.

 

Aztibb.az xəbər verir ki, həkim-fitoterapevt Fizuli Hüseynov qəbizliyin aradan qaldırılması üçün faydalı olan resept paylaşıb:

 

Həkim-fitoterapevt bildirib ki, əvvəlcə əncir, gavalı və qoz quruları ət maşınından keçirilir, sonra isə bal və zeytun yağı əlavə olunub yaxşı-yaxşı qarışdırılır. 

Məcundan gündə 3 xörək qaşığından 1 xörək qaşığına qədər istifadə edə bilərsiniz. Əgər uzun müddət qəbizlikdən əziyyət çəkirsinizsə gündə 3 dəfə yeməkdən 1 saat əvvəl 1 xörək qaşığı, əgər arada qəbizlikdən əziyyət çəkirsinizsə gündə 1-2 xörək qaşığı yeməkdən 1 saat əvvəl yeyə bilərsiniz.

 

Fizuli Hüseynov bu reseptlə bərabər gündə ən azı 1 litr su içməyin və gündə 1 saat piyada tez-tez gəzməyin müalicənin effektini artırdığını qeyd edib.

 

"Bu məcun nəinki qəbizlikdə, həm də arıqlamaq istəyənlər üçün faydalı bir qidadır. Məcunu yeməkdən əvvəl yediyiniz zaman iştah hissi azalır, bağırsaqların şlaklardan azad olması isə piylərin daha sürətlə əriməsinə səbəb olur. Məcunun tərkibində zəngin kalium olduğundan ürək zəifliyində və bağırsaqların tənbəlliyində də faydalıdır. Həmçinin məcun astma-bronxit xəstələri üçün də əlverişlidir. Astma bronxit xəstələri bu məcunu hazırlamaq istəyərsə məcunun tərkibindən qozu çıxarmalı, rafinə olunmamış zeytun yağını isə 1 stəkan həddinə qədər qaldırmalıdırlar", - deyə həkim bildirib.