İnsanlar koronavirusa yoluxmamaq üçün immunitetlərini gücləndirməyə çalışır. Lakin bir çox hallarda qidalanmaya düzgün əməl edilmir.

Aztibb.az-ın məlumatına görə, bunu Səhiyyə Nazirliyinin mütəxəssis-eksperti, terapevt Zakir Quliyev deyib.

O, qeyd edib ki, yaxşı qidalanmaq üçün hər qidadan balanslı qidalanmaq lazımdır. “Elə insanlar var ki, immunitetin güclənməsi üçün hansısa bir qidadan daha çox istifadə edir. Lakin bu, doğru deyil. İstifadə edilən hər bir qidadan, ədviyyatdan öz normasında qıdalanmaq lazımdır.

Yaxşı qidalanmaq çox yemək anlamına gəlmir. Hər bir insanın öz bədəninin öz kalori ehtiyacı var və ona əsasən qidalanmaq lazımdır”, - deyə o, bildirib.