Bu günlərdə Sumqayıt Tibb Mərkəzinin tabeliyində olan 4 saylı Şəhər Xəstəxanasının Poliklinika şöbəsinin kardioloqu, öz peşəsinin mahir bilicisi, səmimi və nəcib insan Xatirə Səfərovanın 60 yaşı tamam olub.
Aztibb.az xəbər verir ki, Xatirə Səfərova 1960-cı il mart ayının 5-də Füzuli rayonunda anadan olub. O, ömrünün aşağı-yuxarı 36 ilini Azərbaycan səhiyyəsinə həsr edib. Avropa Kardiologiya Cəmiyyətinin üzvüdür.
Xalqına bağlı ziyalı, sözün həqiqi mənasında əsl vətəndaş olan Xatirə Səfərova şəxsi keyfiyyətləri, universallığı və ensiklopedikliyi ilə daim seçilib, kollektivin böyük rəğbətini qazanıb.
Yüzlərlə xəstəyə şəfa vermiş fədakar həkim Xatirə Səfərovanı Aztibb.az səhiyyə xəbər portalı adından təbrik edir, ona möhkəm cansağlığı, uzun ömür və fəaliyyətində uğurlar arzulayırıq.
