Vərəm əleyhinə peyvənd COVID-19-dan ölüm nisbətini azaltmağa kömək edə bilər.

Aztibb.az Mignews.com-a  istinadən xəbər verir ki, amerikalı alimlərin araşdırmalarına görə, Bacillus Calmette-Guerin (BCG) adlı peyvənd qeyri-spesifik toxunulmazlığı, başqa sözlə, digər xəstəliklərdən qorunmanı təmin edir.

Tədqiqatçılar BCG-nin geniş yayıldığı ölkələrdə koronavirusdan ölüm nisbətinin aşağı olduğunu sübut ediblər.

Məlumatda bildirilib ki, vərəm peyvəndi 90 ildən çoxdur istifadə olunur, uşaqlar və böyüklər üçün təhlükəsizdir. Məsələn, hazırda insanların peyvənd olunmadığı Qərbi Almaniyada ölüm nisbəti şərqə nisbətən 2,9 dəfə çox olub. Ümumiyyətlə, Qərbi Avropada orta ölüm nisbəti peyvəndin daha geniş yayıldığı Şərqi Avropa ilə müqayisədə 9,92 dəfə yüksəkdir.

Qeyd edilib ki, kliniki sınaqlar Hollandiya və Avstraliyada aparılır.