Martın 10-da Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi (İSİM) və Ailə, Qadın və Uşaq Problemləri üzrə Dövlət Komitəsinin birgə əməkdaşlığı çərçivəsində “Sağlam həyat tərzi. Zərərli vərdişlərin insan sağlamlığına təsiri” mövzusunda tədbir keçirilib.
Tədbirdə İSİM-in Layihələrin əlaqələndirilməsi şöbəsinin müdir müavini Ülkər Camalova zərərli vərdişlərin insan orqanizminə göstərdiyi mənfi təsirlər və yaratdığı fəsadlar barədə ətraflı məlumat verib.
Ailə, Qadın və Uşaq Problemləri üzrə Dövlət Komitəsində Ailə problemləri şöbəsinin baş məsləhətçisi Nailə İbrahimova zərərli vərdişlərlə mübarizədə maarifləndirici görüşlərin əhəmiyyətini vurğulayaraq, iştirakçıları öz sağlamlıqlarına məsuliyyətlə yanaşmağa, sağlam həyat tərzi keçirməyə çağırıb.
Sonda iştirakçıları maraqlandıran suallar cavablandırılıb, onlara sağlamlığın qorunması və sağlam həyat tərzi barədə tibbi tövsiyələr verilib.