“Ötən 10 ay müddətində Kliniki Tibbi Mərkəzə onlarla həkim mütəxəssislər gəlib. Onların böyük bir hissəsi özəl tibb müəssisələrindən, bir qismi isə xarici ölkələrdə fəaliyyət göstərən klinikalardan Vətənə işləməyə qayıdanlardır".

Bu barədə Kliniki Tibbi Mərkəzin direktoru Könül Ələkbərov bildirib.

Direktor qeyd edib ki, onların əksəriyyəti Azərbaycan Tibb Universitetini bitirib, akademik təhsilini Türkiyədə, Almaniyada və digər ölkələrdə davam etdirən həkim-mütəxəssislərdir.

"Bizim tərəfimizdən dəvət göndərilib və onlar dəvətimizi qəbul edərək bizim kollektivin üzvünə çevriliblər. Ümumilikdə, 400-ə yaxın yeni işçi heyəti Mərkəzə işə qəbul olunub”, - deyə Könül Ələkbərov əlavə edib.