Vəfa Mirzəyeva Kliniki Tibbi Mərkəzin (KTM) Doğum şöbəsinin həkim-neonatoloqu vəzifəsinə təyinat alıb.

Bu barədə Aztibb.az-a KTM-dən məlumat verilib.

Bildirilib ki, Vəfa İsgəndər qızı Mirzəyeva 16 fevral 1985-ci ildə Bakı şəhərində anadan olub. 1999-2003-cü illərdə Kimya-Biologiya Təmayüllü Respublika Liseyində təhsil alıb. 2003-2009-cu illərdə Azərbaycan Tibb Universitetinin Pediatriya fakültəsində həkim pediatr-neonatoloq ixtisası üzrə təhsilini davam etdirib.

O, 2009-2010-cu illərdə Mərkəzi Klinikada həkim-interna vəzifəsində çalışıb. 29 dekabr 2011-ci ildən Sumqayıt Perinatal Mərkəzdə həkim-neonatoloq, 2016-2020-ci illərdə isə həmin mərkəzin Yenidoğulmuşlar şöbəsinin müdiri vəzifəsində fəaliyyət göstərib.

V.Mirzəyeva 2018-ci ildə əmək, təhsil və ictimai fəaliyyətdə xüsusi nailiyyətlərinə görə“İlin peşəkar gənci fəxri diplomu” və “İlin peşakar gənci döş nişanı” ilə təltif olunub.