Pərvin Nəcəfquliyeva  1980-cı il sentyabrın 6-da Bakı şəhərində anadan olmuşdur. 1997-ci ildə Azərbaycan Dövlət Tibb Universitetinin Müalicə-profilaktika fakültəsinə daxil olmuş, 2003-cü ildə həmin universiteti fərqlənmə diplomu ilə bitirmiş, ümumi cərrah ixtisasına yiyələnmişdir.

 

İnternatura kursunu M.A.Topçubaşov adına Elmi Cərrahiyyə Mərkəzində ümumi cərrahiyyə ixtisası üzrə keçmişdir. 2004-2006-cı illər ərzində II Cərrahi xəstəliklər kafedrasına kliniki ordinator vəzifəsinə təyin edilmiş, ATU-nun II Cərrahi xəstəliklər kafedrasının M.A.Topçubaşov adına Elmi Cərrahiyyə Mərkəzində yerləşən bazasında fəaliyyət göstərmişdir.

 

2006-2009-cu illər ərzində ATU-nun Elmi Şurasının qərarı ilə II Cərrahi xəstəliklər kafedrasına aspiranturaya daxil olmuş, ATU-nun II Cərrahi xəstəliklər kafedrasının M.A.Topçubaşov adına Elmi Cərrahiyyə Mərkəzində yerləşən bazasında fəaliyyət göstərmişdir.

 

"Əməliyyatdan sonrakı yırtıqların kompleks müalicəsi" mövzusunda dissertasiya işini müdafiə edərək tibb üzrə fəlsəfə doktoru adını almışdır. 2 səmərələşdirici təklifin, 29 elmi məqalənin (2-si xarici jurnal məqaləsi), 49 tezisin müəllifidir. İstanbul Universitesi İstanbul Tıp Fakültesi Genel Cerrahi Anabilim Dalında “Laparoskopik Cerrahi” üzrə kurs keçmişdir. 29.09.2011- 19.10.2015-ci illər ATU-nun II Cərrahi xəstəliklər kafedrasında baş laborant vəzifəsində çalışmışdır. 2015-ci ildən indiyə qədər II Cərrahi xəstəliklər kafedrasında assistent vəzifəsində çalışır. Çalışdığı bu müddət ərzində bir sıra gənc alimlərin elmi konfranslarında iştirak etmiş, elmi tədqiqatlar aparmış, sertifikatlara layiq görülmüşdür. Bir sıra yerli və beynəlxalq konfranslarda elmi məruzələrlə çıxış etmişdir.

 

Hazırda Nərimanov Tibb Mərkəzinin cərrahiyyə şöbəsində həkim-cərrah vəzifəsində fəaliyyət göstərir.