“Yevlax Rayon Mərkəzi Xəstəxanası” Publik Hüquqi Şəxsdə 8 Mart – Beynəlxalq Qadınlar Günü münasibətilə tədbir keçirilib.

Tədbirdə çıxış edən xəstəxananın direktoru Fazil İsmayılov kollektivdə çalışan bütün xanımları əlamətdar gün münasibətilə təbrik edib, cəmiyyətimizdə quruculuq istiqamətində qadınlarımızın nailiyətlərindən və xanımlarımıza verilən yüksək dəyərdən danışıb.

O, xəstəxanada çalışan, çətin və müqəddəs vəzifəni yerinə yetirən xanımların, kollektivin qazandığı uğurlarda böyük rolu olduqlarını vurğulayıb.

Tədbirin sonunda xəstəxananın xanım əməkdaşlarına hədiyyələr təqdim olunub.