Azərbaycan Tibb Universitetinin (ATU) Terapevtik və pediatrik propedevtika kafedrasının assistenti İsmayılova Şəlalə Qərib qızına Azərbaycan Respublikasının Prezidenti yanında Ali Attestasiya Komissiyasının qərarı ilə tibb elmləri üzrə fəlsəfə doktoru elmi dərəcəsi verilib.

 

"Daxili xəstəliklər" ixtisası üzrə "Böyrəklərin xroniki xəstəliyi zamanı endotelin disfunksiyası və onun korreksiyası" mövzusunda dissertasiya işində xroniki böyrək xəstəliyi zamanı damar enotelinin funksiyalarının pozulmasının patogenetik mexanizmləri öyrənilib. Həmçinin xəstəliyin mərhələsindən asılı olaraq nefrobioptatlarda endotelinin vəziyyəti elektron mikropskopla tədqiq edilib. Əldə olunmuş nəticələr əsasında endotel disfunksiyasının korreksiyası və böyrək funksiyalarının yaxşılaşdırılması məqsədilə kompleks müalicə təklif olunub.