Ümumdünya Səhiyyə Təşkilatının dəstəyi və Türkiyənin Hacettepe Universiteti Bioetika Tədqiqat və Təlim Mərkəzi ilə əməkdaşlıq çərçivəsində TƏBİB-in tabeliyində fəaliyyət göstərən elmi-tədqiqat institutlarının əməkdaşları üçün “Tədqiqat etikası və etik komissiyaların fəaliyyəti” mövzusunda keçirilən təlimlər başa çatıb.

 

Bu barədə Aztibb.az-a TƏBİB-dən məlumat verilib.

 

Bildirilib ki, təlim müddəti ərzində Hacettepe Universiteti Bioetika Tədqiqat və Təlim Mərkəzinin rəhbəri Nüket Örnək Bukenin rəhbərliyi ilə Türkiyə Respublikasından gəlmiş mütəxəssisələr tərəfindən 100-dən çox şəxsə tibb sahəsində tədqiqat etikasının mahiyyəti, problemlərin həlli üçün tədqiqatların aparılmasının önəmi barədə məlumat verilib və suallar ətrafında fikir mübadiləsi aparılıb.

 

2-4 mart tarixlərini əhatə edən təlimlərin sonunda iştirakçıların qiymətləndirilməsi aparılıb. Təlim iştirakçılarına sertifikatlar, təlimçilərə isə TƏBİB adından “Təşəkkürnamə”lər təqdim edilib.