COVID-19 xəstəliyinə yoluxmuş pasiyent Səbinə Səttarova 11-24 yanvar 2022-ci il tarixlərində Mərkəzi Gömrük Hospitalında xəstəliyə qarşı aldığı müalicələrdən, sağlamlığına qovuşması üçün ona göstərilən xidmətlərdən Aztibb.az-a danışıb.

“İki dəfə vaksin olunmağıma baxmayaraq, xəstəliyi ağır keçirdim və 6 gün reanimasiyada qaldım”, - deyən pasiyent 13 gün ərzində peşəkar həkimlər sayəsində sağlamlığının bərpa olunduğunu bildirib.

O, müalicə aldığı müddət ərzində Hospitalın həkimlərinin yorulmadan, yüksək peşəkarlıqla xidmət göstərdiklərini qeyd edib, tibbi heyətin ona psixoloji baxımdan da böyük dəstək olduğunu vurğulayıb.

S.Səttarova burada müalicə alan və sağlamlığına qovuşan bütün pasiyentlərə göstərdikləri qayğıya görə Dövlət Gömrük Komitəsi Tibbi Xidmət İdarəsinin rəisi, tibb xidməti general-mayoru Ceyhun Məmmədov, baş həkim Elman Məmmədov və həkim-infeksionist Mədinə Abdullayeva başda olmaqla bütün tibbi heyətə, o cümlədən Reanimasiya şöbəsinin həkimləri – Tural Sadıqov, Mehdi Əliyev, Rəşad Nəsirli, Könül Həsənov, Təranə Göyüşova, Xəyal Məmmədov, Şahin Mazanov, Sevda Quliyeva, Mirmənsim Məmmədov, eləcə də şöbənin orta və kiçik tibb personalına dərin təşəkkürünü bildirib.