Ümumdünya Səhiyyə Təşkilatının məlumatına görə, dünyada karlıqdan və eşitmə pozulmalarından təxminən 365 milyon nəfər əziyyət çəkir.

Eşitmə qabiliyyətini azaldan səbəblər çoxdur: qan-damar sistemi xəstəlikləri; infeksion xəstəliklər; travmalar (əsasən, məişət və nəqliyyat); toksiki təsirlər; ekoloji çirklənmələr; səs-küylər (telefon, mikrofonlar, səs gücləndirici cihazlar) və s. Həkimlərin rəyinə əsasən, baş verən karlıq və pis eşitmənin yarısını aradan qaldırmaq mümkündür.

Qabaqlayıcı tədbirlər sırasına əhalinin immunizasiyası, ana və uşağın sağlamlığının qorunması, əmək gigiyenasının tələblərinə əməl olunması daxildir.

Ümumdünya Səhiyyə Təşkilatı onunla tərəfdaşlıq edən ölkələrdə gəncləri və onların ailələrini sonralar eşitmənin pozulmasına aparıb çıxaran güclü səs-küydən uzaq olmağa və dövlətləri həmin problemin qarşısını almağa diqqət ayırmağa çağırır.