Yanaşı xəstəliyi olan və koronavirusa yoluxmuş Əfruz Ağayeva Mərkəzi Gömrük Hospitalına ağır vəziyyətdə daxil olub. O, 10 gün müddətində Hospitalda COVID-19 infeksiyası əleyhinə müalicə alıb.

Ə.Ağayeva Aztibb-az-a Gömrük Hospitalında aldığı müalicə və sağlamlıq vəziyyəti barədə danışıb.

Pasiyent şəkər xəstəsi olduğundan onun səhhətində ağırlaşma müşahidə olunub. O, müalicə aldığı müddətdə qanda şəkər səviyyəsinin daim nəzarətdə saxlanıldığını bildirib.

“Həyatımda ilk dəfə idi ki, belə yüksək səviyyədə qulluğun şahidi olurdum”, - deyə bildirən Ə.Ağayeva məhz Mərkəzi Gömrük Hospitalının peşəkar tibb komandası tərəfindən edilən müalicə sayəsində sağaldığını vurğulayıb.

O, Dövlət Gömrük Komitəsi Tibbi Xidmət İdarəsinin rəisi Ceyhun Məmmədova, Mərkəzi Gömrük Hospitalının baş həkimi Elman Məmmədova, infeksionist həkim Mədinə Abdullayevaya və müalicəsində iştirak edən bütün tibb personalına dərin təşəkkürünü bildirib, onlara hər zaman minnətdar olacağını qeyd edib.