Aztibb.az-ın “Həkimlərimizi tanıyaq!” rubrikasında sizlərə Mərkəzi Gömrük Hospitalının təcrübəli həkimi, pasiyentlərin böyük rəğbətini qazanmış Poliklinika rəisi, kardioloq Tamilla Əliyevanı təqdim edirik.

Dr.Tamilla Əliyeva pasiyentlərin müalicəsində və ürək xəstəliklərinin qarşısının alınmasında ən müasir effektiv metodlardan istifadə edir. Eyni zamanda, poliklinikanın düzgün və yüksək səviyyədə idarə edilməsində böyük təcrübəyə malikdir.

Tamilla Əliyeva 1980-1986-cı illərdə Azərbaycan Dövlət Tibb Universitetinin Müalicə işi fakültəsində təhsil alıb, 1986-1987-ci illərdə 3 saylı Bakı şəhər xəstəxanasında terapevt ixtisası üzrə internaturanı bitirib.

O, 1987-2002-ci illərdə 3 saylı Bakı şəhər poliklinikasında həkim-kardioloq, 2002-2007-ci illərdə Ailə Sağlamlıq Mərkəzində kardioloq və Poliklinika müdiri, 2007-2018-ci illərdə isə İctimai Səhiyyə və İslahatlar Mərkəzində kardioloq və ambulator şöbənin müdiri vəzifələrində çalışıb. 2018-ci ildən Mərkəzi Gömrük Hospitalının kardioloqu, eyni zamanda Poliklinikanın rəisi işləyir.

Təcrübəli həkim dünya tibb ədəbiyyatını daim izləyir və  öz işində mütərəqqi müalicə üsullarından istifadə edir.