“Ailə Sağlamlıq Mərkəzlərində (ASM) çalışanlara bonusların verilməsi nəzərdə tutulmur”.

Aztibb.az xəbər verir ki, bunu İcbari Tibbi Sığorta üzrə Dövlət Agentliyinin İcbari tibbi sığorta haqlarının uçotu şöbəsinin müdiri Səməd Səmədov “Tibb işçilərinin əməkhaqqılarının hesablanma qaydası” mövzusunda çıxış edərkən deyib.

Onun sözlərinə görə, ASM-lərdə çalışanlar sabit əlavələr alacaqlar:

“ASM-in rəhbərləri, mama-ginekoloqlar, ümumi cərrahlar, travmatoloq, kardioloqların vəzifə maaşına 480 manat sabit əlavə ediləcək".

O, deyib ki, səhiyyə işçiləri qeyri-tibb, həkim heyəti, orta və kiçik tibb heyəti olaraq kateqoriyalara bölünüb:

“Həkimlərə gördüyü işin nəticəsinə görə əməkhaqqı müəyyən olunmağa başlanılıb. Yəni həkim xidmətlər zərfində nəzərdə tutulan xidmətləri göstərir və ona uyğun da faizlər onların maaşına əlavə edilir. Belə ki, terapevtik-pediatrik ixtisaslar üzrə ambulator xidmətlərin 8 faizi, cərrahi prosedurlar üzrə xidmətlərin 15 faizi, ultrasəs müayinəsində xidmətlərin 8 faizi, rentgen-şüa diaqnostikada 10 faiz bonusların verilməsi nəzərdə tutulub” – o, deyib.