“Həkimlərimizi tanıyaq" rubrikamızda sizlərə pasiyentləri arasında böyük rəğbət qazanmış Caspian İnternational Hospitalının radioloqu, tibb üzrə fəlsəfə doktoru Flora Quliyevanı təqdim edirik.

Flora Quliyeva 1965-ci ildə Naxçıvan Muxtar Respublikasında anadan olub. O, 1983-1989-cu illərdə ADTU-nun Müalicə fakültəsində təhsil alıb. 1989-1990-cı illərdə Naxçıvan şəhər Respublika Xəstəxanasında internatura keçib.

 

1995-ci ildən 2022-ci ilin fevral ayınadək Şamama Ələskərova adına Kliniki Doğum Evində (keçmiş 5 saylı Doğum Evi) USM həkimi vəzifəsində çalışıb.

 

Flora Quliyeva dissertasiya işini uğurla müdafiə edərək tibb üzrə fəlsəfə doktoru elmi dərəcəsini alıb. Onun müəllifi olduğu 15-dən artıq elmi məqalə və tezis yerli və xarici mətbuatda dərc olunub.

 

Həkim dəfələrlə ölkəmizdə və xaricdə keçirilmiş ixtisasartırma kurslarında, eləcə də seminar və konfranslarda iştirak edib.