Son bir ayda Kliniki Tibbi Mərkəzə (KTM) müraciət edən 22 197 nəfər icbari tibbi sığorta çərçivəsində həkim baxışından keçib, 881 nəfər cərrahi əməliyyata yönləndirilib.

Mərkəzin Mətbuat xidmətindən Aztibb.az-a verilən məlumata görə, bu müddət ərzində sığorta ilə götürülən laborator analizlərin sayı 35 617 olub. Radioloji müayinələrdən isə 11 803 (KT, USM, rentgen) nəfər keçib. 12 131 (COVID-19 xəstələri istisna) nəfərin sığorta çərçivəsində xəstəxanada qalaraq, müalicəsini davam etdirib.

Mərkəzin Xəstə Xidmətləri şöbəsinin müdiri Nərminə Xanməmmədovanın sözlərinə görə, 3 661 nəfər Mərkəzə göndərişlə gəlib. Onlardan 1981-i Bakıdakı xəstəxanalardan, digərləri isə digər şəhər və rayonlardan yönləndirilib.

KTM-dən verilən göndərişlərin sayı isə 586 olub. Onlardan 322-si özəl xəstəxanalara, 254-ü isə dövlət xəstəxanalarına yönləndirilib. Göndərişlərin əksəriyyətini müxtəlif əməliyyatlar, ürək-damar xəstəliklərinin diaqnostikasında koronar angioqrafiyası (anju), MRT müayinələri təşkil edib.