Bu gün Elmi-Tədqiqat Pediatriya İnstitutunun Uşaq Bərpa Mərkəzində Xocalı Soyqırımının 30-cu ildönümü ilə əlaqədar anım tədbiri keçirilib.

Öncə Xocalı qurbanlarının əziz xatirəsi bir dəqiqəlik sükut ilə yad edilib.

Tədbirdə mərkəzin baş həkimi t.ü.f.d. Cəmilə Talıbova çıxış edərək Xocalıda erməni təcavüzkarları tərəfindən dinc əhaliyə qarşı törədilən amansız vəhşiliklərdən danışıb. Bildirib ki, erməni qəsbkarlarının xalqımıza qarşı həyata keçirdikləri etnik təmizləmə siyasəti nəticəsində törədilən qanlı cinayətlər, qətliamlar arasında Xocalı soyqırımı xüsusi amansızlığına görə seçilir.

Daha sonra çıxış edən mərkəzin mütəxəssisləri Xocalı soyqırımını bəşəriyyətə qarşı törədilmiş cinayət adlandırıb və bu faciə haqqında gənc nəslin davamlı maarifləndirilməsinin vacibliyini vurğulayıblar.