Yanvar ayı ərzində Kliniki Tibbi Mərkəz tərəfindən vətəndaşlara 110 697 xidmət göstərilib.
Aztibb.az xəbər verir ki, Mərkəz Bakı şəhəri üzrə ən çox stasionar xidmət göstərilən tibb müəssisələri arasında birinci yerdə qərarlaşıb.
Qeyd edək ki, İcbari Tibbi Sığorta üzrə Dövlət Agentliyinin məlumatına əsasən, ötən ay ərzində Bakı və Sumqayıt üzrə tibb müəssisələrinə müraciətlərin çoxu tibbi müayinə (hərbi xidmətə çağırılanların müayinəsi daxil olmaqla), tənəffüs sistemi xəstəlikləri, qan dövranı sistemi xəstəlikləri, endokrin sistemin xəstəlikləri, maddələr mübadiləsi və qidalanma pozğunluğu, həzm sisteminin xəstəlikləri, sümük və əzələ sisteminin və birləşdirici toxumanın xəstəlikləri, sidik-cinsiyyət sisteminin xəstəlikləri, mamalıq və ginekologiya, sinir sistemi xəstəlikləri, zədələr və zəhərlənmələrlə bağlı olub.
