Həkim-terapevt Leyla Mehrabova fəaliyyətini Kliniki Tibbi Mərkəzdə davam etdirəcək.
Bu barədə Aztibb.az Mərkəzdən məlumat verilib.
Qeyd olunub ki, L.Mehrabova 5 oktyabr 1985-ci ildə Zaqatala rayonunun Suvagil kəndində anadan olub. 2003-2009-cu illərdə Azərbaycan Tibb Universitetinin Müalicə-profilaktika fakültəsində təhsil alıb. O, 2009-2010-cu illərdə Zaqatala Mərkəzi Rayon Xəstəxanasında Kardiologiya üzrə internatura təhsili keçərək həkim-kardioloq ixtisasına yiyələnib.
2016-cı ildə həkimlərin mərkəzləşmiş işə qəbulu imtahanında yüksək nəticə göstərən L.Mehrabova Qusar Mərkəzi Rayon Xəstəxanasında həkim-terapevt kimi fəaliyyətə başlayıb. 2020-ci ildə Qusar MRX-da təcili və təxirəsalınmaz tibbi yardım üzrə mütəxəssis həkim işləyib.
Mütəmadi olaraq elmi tibbi konfrans və seminarlarda, tibbi təlimlərdə, tibbi kurslarda iştirak edərək tibbi yeniliklərə yiyələnib.
