Respublika Perinatal Mərkəzində Respublika QİÇS-lə Mübarizə Mərkəzinin və Ölkə Əlaqələndirici Komissiyasının (CCM) təşkilatçılığı ilə İİV-lə mübarizə sahəsində çalışan mütəxəssislərin biliklərinin təkmilləşdirilməsi üçün təlim keçirilib.

 

Tədbirdə Bakı şəhərinin doğum evlərinin, doğum şöbələrinin, qadın məsləhətxanalarının, regional perinatal mərkəzlərin rəhbərləri, o cümlədən Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin əməkdaşları iştirak ediblər.

 

Respublika QİÇS-lə Mübarizə Mərkəzinin direktoru Famil Məmmədov çıxışında Səhiyyə Nazirliyinin təşəbbüsü ilə İİV/QİÇS-lə mübarizə sahəsində görülən işlərdən söhbət açıb, diqqəti hamilə qadınların vaxtında müayinədən keçirilməsinin vacibliyinə yönəldib.

 

Tədbirdə, həmçinin QİÇS-lə Mübarizə Mərkəzinin mütəxəssislərinin təqdimatları dinlənilib.