Qaloterapiya (duz şaxtasında müalicə) fizioterapiyanın müalicəvi üsullarından biridir. Bu, dərmansız müalicə üsuludur. Bu müalicə üsulunda orqanizmə NaCL duzunun kiçik dispersli aerozolu (1-5 mikron) təsir göstərir. 30-40 dəqiqə duz otağında müalicə 3 gün dənizdə istirahəti əvəz edir.

Aztibb.az xəbər verir ki, bu barədə Elmi Tədqiqat Pediatriya İnstitutunun Uşaq Bərpa Mərkəzinin Fizioterapiya şöbəsinin müdiri Təranə Mahmudova məlumat verib.

O, bildirib ki, Uşaq Bərpa Müalicə Mərkəzində yaradılan qalokamera bütün tibbi tələblərə uygundur. Divarlar müalicəvi duzla örtülüb. Duz ionları qalogeneratordan otaga daxil olur, otaqdaki hava, səssizlik müsbət psixi sfera xəstələrə çox gözəl təsir edir. Ağciyərin, tənəffüs yollarının təmizlənməsi və immun sisteminin möhkəmlənməsinə səbəb olur.

Göstərişlər:

- COVID-19 xəstəliyindən sonraki bərpa müalicəsi və reabilitasiya.
- Tənəffüs sistemi xəstəlikləri - bronxial astma, bronxitlər, pnevmoniya, respirator allerqoz.
- LOR patalogiyası - vazomotor, allergik rinit, sinusit, faringit və s.
Dəri xəstəlikləri:
- Dermatozlar, psoriaz, ekzema, yuvenil səpgiləri, mövsümi müalicə olunmalıdır. 30 dəqiqə - 1 saat ərzində 10-12 prossedur qəbul olunmalıdır.