Üzdəki qırışlar əleyhinə və sifəti təravətləndirmək üçün istifadə edilən bu təbii qarışım ziyansızdır və hər dəfə istifadə etdikcə üz qırışlarının açıldığının şahidi olacaqsınız. Bu qarışımı 3 gündən bir edilməsi tövsiyə olunur.

Aztibb.az xəbər verir ki, həkim-fitoterapevt Fizuli Hüseynov üzdəki qırışlar əleyhinə qarışım reseptini təqdim edib:

Lazım olanlar:

- Kakao yağı 1 xörək qaşığı;
- Kakos yağı 1 xörək qaşığı;
- Soda 1 xörək qaşığı (qaşıq tam dolu olmasın).

Qeyd olunan vasitələr 15 dəqiqə ərzində bir-birinə yaxşı qarışdırılır. Üzümüzü ilıq su ilə yuyub, qurulayıb, bu krem dairəvi formada üzə çəkilir və 5 dəqiqə ərzində üzümüzü dairəvi formada masaj etməyə davam edirik. 15 dəqiqə gözləyəndən sonra əvvəlcə ilıq su, sonra isə otaq temperaturunda olan su ilə üzümüzü yuyuruq.