Aztibb.az xəbər verir ki, həkim-cərrah, tibb üzrə fəlsəfə doktoru İlqar Ömərov bildirib ki, bu xəstəliyin əsas səbəbi şəkər xəstəliyi olsa da, sinirlərin, qan damarlarının və sümüklərin zədələnməsi səbəbindən əmələ gəlir. Diabetik ayaq yarası hər bir yaşda müşahidə oluna bilər, lakin yaşlandıqca bu risk daha da artır. Aparılan araşdırmalara görə, hər 5 şəkər xəstəsindən biri yara riski ilə qarşı-qarşıya qalır.

 

Həkimin sözlərinə görə, diabetik ayaq sindromunun standart müalicəsi risk faktorlarının aradan qaldırılmasına, qlikemiyanın normallaşmasına, perfuziyanın yaxşılaşdırılmasına, təkrar nekroektomiyaların aparılmasına, rasional antibakterial terapiyanın tətbiqinə, immunokorreksiyaya, metobolitik proseslərin yaxşılaşdırılmasına, yaraya müxtəlif növ sarğıların qoyulmasına, eləcə də onun farmakoterapiyasına və ayağın yükdən azad edilməsinə və s. əsaslanır. Bu səbəbdən son zamanlar diabetik yaraların müalicəsi üçün böyümə faktorlarından istifadəyə, gen və hüceyrə terapiyasına əsaslanan yeni yanaşmalar işlənilib hazırlanır.