Sarıkök güclü iltihab, virus və mikrob əleyhinə təsirə malikdir, həzm problemləri zamanı yaxşı kömək edir, orqanizmi xərçəngin inkişafından qoruyur, immun sisteminin fəaliyyətinə müsbət təsir edir.

Onun tərkibində olan bioloji aktiv maddə "kurkumin"in sayəsində sarıkök ağciyərin sağlamlığına çox müsbət təsir edir, nəfəsalma sistemi xəstəlikləri və autoimmun xəstəliklər zamanı yardım edir.

Aztibb.az xəbər verir ki, sarıkökün tərkibində olan digər bioloji aktiv maddə "turmeron" beyinin funksiyalarını gücləndirir, Alzheymer xəstəliyinin inkişafı riskini azaldır.

Sarıkökün bal və qara istiotla qarışığı əsl təbii antibiotikdir. Qara istiot sarıkökün xüsusiyyətlərini daha da artırır.

Resept:

1 x.q. təbii sarıkök, 1 çimdik qara istiot, 100 qr yaxşı bal qarışdırılır.

Bu vasitə orqanizmə güclü antimikrob, antiviral, iltihab əleyhinə təsir edir.    

Soyuqdəymə, qrip, koronavirus, rinovirus və bir çox digər tənəffüs infeksiyaları, bronxit və s. zamanı bu qarışım gündə 3 dəfə 1 ç.q. olmaqla yeməkdən 30 dəqiqə əvvəl qəbul edilir.

Profilaktik məqsədlərlə qarışığı hər gün 1 ç.q. olmaqla qəbul edə bilərsiniz.