"SIETEK" şirkətinin direktoru Mövsüm Məmmədzadə atası Rafael Məmmədzadənin koronavirusdan sağalmasında etdiyi yardıma, göstərdiyi dəstək və qayğıya, fədakar əməyə görə Mərkəzi Gömrük Hospitalının həkim kollektivinə təşəkkür edib.
O, bildirib ki, müalicə müddətində həkimlərin və tibb bacılarının peşəkarlığı ilə yanaşı, ümumilikdə personalın diqqəti və mehribanlığı atasının tez bir zamanda sağlamlığına qovuşmasında böyük rol oynayıb:
"Atam Rafael Məmmədzadə Mərkəzi Gömrük Hospitalında 5-ci mərtəbədə müalicə alırdı və ona yüksək səviyyədə tibbi xidmət göstərilmişdir. Artıq müalicə uğurla tamamlanıb, atamda COVID-19-un heç bir simptomu hiss edilmir. O, özünü yaxşı hiss edir”, - deyə Mövsüm Məmmədzadə bildirib.
O, atasının həyatı təhlükə altında olduğu məqamda edilən əvəzsiz köməyi heç vaxt unutmayacaqlarını qeyd edib. Göstərilən yüksək səviyyəli xidmətə görə Dövlət Gömrük Komitəsi Tibbi Xidmət İdarəsinin rəisi, tibb xidməti general-mayoru Ceyhun Məmmədova, baş həkim Elman Məmmədova, o cümlədən həkimlərə, tibb bacılarına və digər əməkdaşlara dərin minnətdarlığını ifadə edib.
