Litotripsiya - cərrahi müdaxilə olmadan tətbiq edilən metoddur - aztibb.az AZƏRBAYCANIN SƏHİYYƏ XƏBƏR PORTALI

Litotripsiya - cərrahi müdaxilə olmadan tətbiq edilən metoddur

17.02.2022 09:14

Litotripsiya - yüksək enerjiyə malik dalğalar vasitəsilə ekstrakorporal böyrək daşlarının dağıdılmasıdır.

Aztibb.az tibbi mənbələrə istinadla xəbər verir ki, litotriptor aparatı vasitəsilə ekstrakorporal böyrək daşlarının parçalanması metodu - cərrahi müdaxilə olmadan aparılan metoddur. Bu aparat vasitəsilə böyrəkdəki və uretradakı daşların parçalanması həyata keçirilir. Parçalanmış daşlar sidik ifrazı zamanı heç bir ağrı vermədən xaric olunur.

Böyrək daşlarının parçalanması üçün xüsusi generatordan çıxan akustik dalğalardan istifadə olunur. Akustik dalğa generatorda yerləşən parabolik güzgü vasitəsilə daşlara fokuslanır və yüksək dalğalı ultrasəs cihazı vasitəsi ilə daşa yönəlir. Fokuslanma məsafəsi hər aparatda fərqlidir, onun maksimal fokuslanma məsafəsi 16 sm təşkil edir. Daşın ölçüsündən, sərtliyindən, tərkibindən və yerləşdiyi yerdən asılı olaraq prosedur 30-60 dəqiqə davam edir.

Ekstrakorporal litotripsiyaya birbaşa göstərişlər:

- Ölçüsü 5-25 mm olan böyrək daşları

- Sidik kisəsinin yuxarı və orta hissəsində yerləşən daşlar

Distansion litotripsiya dedikdə, adından göründüyü kimi, bədənə müdaxilə olmadan müəyyən məsafədən aparılır. Belə ki, rentgen yaxud USM (ultrasəs) naviqasiya daşın yeri dəqiq müəyyən edilir. Daha sonra litotriptor adlanan cihazla daş götürülür.

Son zamanlar, xüsusilə də kontakt lazer litotripsiya (aşağıda ətraflı məlumat verilib) tətbiq olunduqdan sonra distansion litotripsiya daha az-az tətbiq edilir. Distansion litotripsiyadan sonra daşın hissəcikləri sidik axarına düşüb çox tez-tez böyrək sancısına səbəb olur. Distansion litotripsiyanın əsas üstünlüyü ondan ibarətdir ki, bədənə ümumiyyətlə heç bir müdaxilə edilmədən aparıla bilir.

Lazer kontakt litotripsiya isə böyrək daşı müalicəsinin ən müasir üsuludur. Bu zaman da daşın parçalanması vizual nəzarət altında aparılır.