“Həkimlərimizi tanıyaq" rubrikamızda sizlərə peşəkarlığı ilə seçilən və pasiyentləri arasında böyük rəğbət qazanmış Elmi-Tədqiqat Tibbi Bərpa İnstitutunun Poliklinika şöbəsinin müdiri, revmatoloq Ellada Qafarovanı təqdim edirik.

 

Ellada Bəxtiyar qızı Qafarova 1960-cı ildə Almaniyanın Leypsik şəhərində anadan olub. O, 1977-1983-cü illərdə Azərbaycan Dövlət Tibb Universitetinin Müalicə profilaktika fakültəsində təhsil alıb.

 

1983-cü ildə Binəqədi rayonu 14 saylı poliklinikada həkim, həmçinin Binəqədi rayonu 27 saylı poliklinikada həkim-revmatoloq işləyib.

 

1994-cü ildə Elmi-Tədqiqat Tibbi Bərpa İnstitutunun Stasionar şöbəsinin Artrologiya bölməsində kiçik elmi işçi, daha sonra həkim-revmatoloq kimi fəaliyyət göstərib. 2020-ci ildən institutda Poliklinika şöbəsinin müdiri vəzifəsində çalışır.

 

Ellada Qafarova 2021-ci ildə Azərbaycan Respublikasının ərazi bütövlüyü uğrunda gedən 44 günlük Vətən müharibəsi dövründə şəhid ailələrinə, müharibə qazilərinə, veteranlarına göstərdiyi diqqət və qayğıya görə Azərbaycan Respublikası “Beynəlmiləlçi Əlil Döyüşçülər” Fondu tərəfindən Fəxri fərmanla təltif edilib. O, həmçinin çalışdığı illər ərzində bir sıra mükafatlara layiq görülüb.