Dünyanın ən məşhur içkiləri sırasında 3 min illik tarixi olan qəhvənin xüsusi yeri var. O, tərkibindəki maddələrə görə bir çox faydalı xüsusiyyətlərə malikdir. Bu gün demək olar ki, hər kəsin qida rasionunda qəhvənin müxtəlif növlərinə rast gəlinir.
Aztibb.az xəbər verir ki, Mərkəzi Gömrük Hospitalının terapevti Nərgiz Kərimova “Mədəniyyət” kanalının “Səhərçağı” verilişində yayımlanan videosüjetdə qəhvənin faydalı xüsusiyyətlərindən bəhs edib.
Həkimin sözlərinə görə, qəhvənin tərkibində antioksidant maddələr və B qrup vitaminləri mövcuddur və o, tonlaşdırıcı xüsusiyyətlərə malikdir.
“Əgər siz kompüter arxasında çalışırsınızsa və ya yuxusuzluqdan əziyyət çəkirsinizsə qəhvədən istifadə edərək aktiv həyat tərzi sürə bilərsiniz”, - deyə N.Kərimova bildirib.
Qeyd olunub ki, qəhvənin gün ərzində 2-3 fincandan artıq qəbul edilməsi tövsiyə olunmur.