Əziz Əliyev adına Azərbaycan Dövlət Həkimləri Təkmilləşdirmə İnstitutunun kardiologiya kafedrası və C.Abdullayev adına Elmi-Tədqiqat Kardiologiya İnstitutunun birgə təşkilatçılığı ilə “Arterial hipertenziyalara son zərbə” mövzusunda onlayn konfrans keçirilib.
Konfransda çıxış edən Rusiya Federasiyası İ.M.Seçenov adına Birinci Moskva Dövlət Tibb Universitetinin hospital terapiya kafedrasının müdiri, akademik Y.N.Belenkovun “Arterial hipertenziyanın müalicəsinin müasir prinsipləri” mövzusunda mühazirəsində müxtəlif hipotenziv dərmanların müqayisəli təhlili və onlara olan göstərişlərdən bəhs edib.
C.Abdullayev adına Elmi-Tədqiqat Kardiologiya İnstitutunun direktoru, tibb elmləri doktoru Gülnaz Dadaşova ABŞ və Avropanın aparıcı ölkələrində arterial hipertenziyaların müalicəsi haqqında yazılmış kliniki protokolları müqayisə edib və ayrı-ayrılıqda onların xüsusiyyətlərindən danışıb.
Azərbaycan Dövlət Həkimləri Təkmilləşdirmə İnstitutunun kardiologiya kafedrasının müdiri, professor Faiq Quliyevin çıxışında xəstələr tərəfindən hipotenziv dərmanların axşam saatlarında qəbulu ilə səhər saatlarında qəbulu arasında müqayisəli təhlilini aparıb.
