Kontur plastikası yaşla bağlı dəyişikliklərin burun-dodaq qırışlarının, göz ətrafında həlqələrin, mimik qatların, dəri sallanmalarını və s. aradan qaldırmaq üçün tətbiq olunan qeyri-cərrahi kosmetik prosedurdur. Prosedur zamanı effektiv və təhlükəsiz olan preparatlardan, qialuron turşusundan hazırlanmış müxtəlif gellərdən istifadə olunur.

 

Yaş ötdükcə üzün ayrı-ayrı nahiylərində həcm itkisi baş verir, bunun nəticəsində isə qırışlar əmələ gəlir. Kontur plastikasının başlıca məqsədi bu çatışmazlıqları aradan qaldırmaqdır. Yeniyetmə və gənclik yaşlarında insanın dərisi hamar, yumşaq və elastik olur. Bu, əsasən, üzdə dərialtı piy qatının bərabər paylanması sayəsində mümkün olur. İnsan yaşlandıqca piy toxumasını tədricən itirir. O, yanaqların alt nahiyəsi və çənəaltı hissəyə yığılaraq, yerini dəyişir. Bəzi hallarda yaşla əlaqədar dəyişikliklər həcmin total itirilməsinə gətirib çıxara bilər. Bütün bu problemlerin həllində kontur plastika mükəmməl nəticələr verən bir metoddur.

 

Aztibb.az xəbər verir ki, Mərkəzi Klinikanın Terapiya Şöbəsinin kosmetoloqu Aysel Məmmədova bu problemlərin aradan qaldırılmasını həyata keçirir.