Aztibb.az xəbər verir ki, bu barədə uzman-terapevt Çinarə Səfərova məlumat verib. 

 

Həkim bildirib ki, xəstəlik dövründə sidikturşulu duzlar (urat kristalları) strukturu zəif və zədəli olan oynaqlarda yığılmağa başlayır. Bu zaman sidikturşulu duzların yığılması nəticəsində oynaqların struktur tamlığı pozulur. Podaqra zamanı zədələnmiş oynaq şişir, nahiyədə temperatur qalxır, dəri qızarır və parıltılıq əmələ gəlir. 2-3 gün, bəzi hallarda 6-8 gün fasiləsiz davam edir. Nadir hallarda intensiv ağrılar 2-3 həftəyə qədər uzanır:

 

"Podaqra xəstəliyi xəstənin həyat tərzini dəyişə bilən bir xəstəlikdir. Hər dəfə kəskinləşdikdə daha geniş sahəni əhatə edir və tədricən oynaqların daha ciddi şəkildə zədələnməsinə səbəb olur. Dərinləşmiş podaqranı müalicə etmək çətin olacaq və yaxud heç mümkün olmayacaq. Səbəbi oynaqların tamlığının pozulmasıdır ki, bərpa olunmur".

 

Terapevtin sözlərinə görə, yalnız cərrahi müdaxilə nəticəsində vəziyyəti yüngülləşdirmək mümkündür. Podaqranın ağırlaşması podaqralı artrit xəstəliyinə səbəb olur. Həmçinin böyrəklərdə urat (sidikturşulu duz kristalları) daşları əmələ gəlir. Bir müddətdən sonra ağırlaşmaların sayı artır və böyrəklər funksional işini tamamilə itirir. Bu da xəstələrin həyatı üçün təhlükəli bir vəziyyətdir.