Ayaqlarda yaralar bir sıra səbəblərdən yaranır, bəzən illərlə davam edə bilir.

Aztibb.az xəbər verir ki, həkim fitoterapevt Fizuli Hüseynov trofik xoraların, yataq yaralarının, qızıl yel xəstəliyinin müalicəsində effektli məlhəm resepti təqdim edib.

Həkim bildirib ki, bu, heç bir əks göstərişi və zərəri olmayan, sınanmış bir üsuldur, illərlə sağalmayan yaralarda belə gözlənilməz nəticə verir.

Hazırlanma qaydası:

Kərə yağı 300 qram
Propolis – 50 qram
Udi hindi – 30 qram
Xına – 30 qram

Əvvəlcə kərə yağı əridilir, propolis kiçik parçalara kəsilərək içinə atılır və əridilir, sonra oddan götürülür, udi hindi və xına əlavə olunaraq qarışdırılır. 1 həftə pəncərədə günəş altında və ya sobanın yanında saxlanılır, bundan sonra istifadə olunur. Gündə üç dəfə yaraların üzərinə çəkilir. Bəzən sağalmayan yaralar bədəndə qan dövranı pozulması nəticəsində əmələ gəlir, bu zaman bu müalicə ilə yanaşı daxilə də təyinatlar yazmaq lazımdır ki, qan dövranı bərpa olunsun. Məsələn zəncəfil, udi-hindi, xəşəmbül və s. bitkilərin dəmləməsindən növbəli şəkildə içmək lazımdır.