Səhiyyə Nazirliyi İctimai Səhiyyə və İslahatlar Mərkəzi tərəfindən 21, 22, 23, 28 fevral 2022-ci il tarixlərində saat 15.00-da “Antibiotikorezistentlik. Ambulator praktikada antibiotiklərin rasional istifadəsi” mövzusunda dörd günlük onlayn təlim keçiriləcək.
Aztibb.az xəbər verir ki, həkim-otolarinqoloq, pediatr, neonatoloq, mama-ginekoloq, uroloq, pulmonoloq, infeksionist və ailə həkimləri üçün nəzərdə tutulmuş ödənişsiz təlimin məqsədi tibbi yardımın keyfiyyətinin artırılması, tibb müəssisələrində çalışan tibb mütəxəssislərinin peşəkarlıq səviyyəsinin yüksəldilməsi və praktiki bacaraqlarının təkmilləşdirilməsidir.
Tədbirin təlimçiləri:
Akif Əfəndiyev, Ə.Əliyev adına Azərbaycan Dövlət Həkimləri Təkmilləşdirmə İnstitutunun LOR kafedrasının dosenti, tibb elmləri üzrə fəlsəfə doktoru;
Ramil Həşimli, Ə.Əliyev adına Azərbaycan Dövlət Həkimləri Təkmilləşdirmə İnstitutunun LOR kafedrasının assistenti, tibb elmləri üzrə fəlsəfə doktoru;
Erkin Rəhimov, Ə.Əliyev adına Azərbaycan Dövlət Həkimləri Təkmilləşdirmə İnstitutunun Pediatriya kafedrasının assistenti, Səhiyyə Nazirliyinin Pediatriya sahəsi üzrə mütəxəssis-eksperti;
Hasan Tezer, Gazi Enfeksiyon Hasalıları Bilim Dalı, Ankara/ Türkiyə;
Natavan Fərəcova, Ə.Əliyev adına Azərbaycan Dövlət Həkimləri Təkmilləşdirmə İnstitutunun Terapiya kafedrasının professoru, tibb elmləri doktoru;
Əliyeva Gülzar, Elmi-Tədqiqat Ağciyər Xəstəlikləri İnstitutunun elmi katibi, tibb üzrə fəlsəfə doktoru;
Vəfa Qurbanova, Ana və uşaq sağlamlığı və sübutlu təbabət üzrə ekspert, tibb üzrə fəlsəfə doktoru;
Rauf Nağıyev, Azərbaycan Tibb Universitetinin Urologiya kafedrasının dosenti, tibb elmləri doktoru.
Qeydiyyat üçün link: https://ref.az/3aMEpQ2
Əlaqə: (012) 430-20-95