"Uşaqların cinsiyyət bölgəsini sabunla, şampunla, gellə yumayın. Nəm salfetlərdən qətiyyən istifadə etməyin. Bu, uşaqlarda bez bölgəsində dermatitin, bişməcənin yaranmasına, dəri quruluğuna, həmçinin infeksiyalaşmağa gətirib çıxara bilər".

Aztibb.az-ın xəbərinə görə, bunu həkim-pediatr Günay Rəsulova uşaqların gigiyenası ilə bağlı vacib tövsiyələrini bölüşərkən deyib.

Həkim bildirib ki, xüsusilə qız uşaqlarında cinsiyyət bölgəsinin sabun, şampun və ya gellərlə yuyulması onalrda sinexiyanın (genital bitişiklik) yaranmasına gətirib çıxara bilər:

"Ona görə də cinsiyyət bölgəsinin gigiyenası zamanı sadəcə sudan istifadə etmək, yuduqdan sonra isə yaxşı qurulamaq kifayətdir".