Azərbaycan Tibb Universitetinin (ATU) tədris proqramlarının beynəlxalq akkreditasiyadan keçməsi münasibətlə ATU-nun rektoru, professor Gəray Gəraybəyli universitetin bir qisim əməkdaşları ilə görüşüb.

Aztibb.az-ın məlumatına görə, professor Gəray Gəraybəyli akkreditasiya prosesi haqqında danışıb, bu hadisənin əhəmiyyətini qeyd edib. O, ali məktəbin beynəlxalq nüfuzu üçün mühüm önəm kəsb edən akkreditasiyanın əldə olunması münasibətilə universitet əməkdaşlarını təbrik edib, bu prosesin uğurla və layiqli şəkildə sona çatdırılmasında əməyi keçən hər bir kəsə təşəkkür edib.

Daha sonra  professor Gəray Gəraybəyli ATU-nun beynəlxalq akkreditasiya prosesinə hazırlıq və proqramların özünütəhlil hesabatlarının hazılanmasında fəal iştirakına görə universitetin bir sıra əməkdaşlarına Təşəkkürnamələr təqdim edib.

Qeyd edək ki, beynəlxalq akkreditasiya prosesi Akkreditasiya və Reytinq üzrə Müstəqil Agentlik (IAAR - Independent Agency For Accreditation and Ratıng) tərəfindən aparılıb.