Aztibb.az xəbər verir ki, həkim endokrinoloq Fərhad Burzu söyləyib ki, haşimoto xəstələrinin rasionunda bol miqdarda soyuq sıxılmış zeytun yağı, təmiz kərə yağı, kokos yağı mövcud olmalıdır. Bol-bol dəniz balıqları, əsasən də sardalya, kilkə kimi tərkibində ağır metallar olmayan balaca balıqlar yeyilməlidir.

 

Həkimin sözlərinə görə, tiroid xəstəliklərinin qarşısını almaq üçün yeməklərdə yodlu duzdan istifadə etmək lazımdır. Amma rafinə olunmuş duzun əvəzində qaya duzuna üstünlük vermək lazımdır. Seleniumla zəngin olan soğan və sarımsaqda yod mövcuddur:

 

"Orqanik yumurta da seleniumla zəngin olduğu üçün bu xəstəlikdən əziyyət çəkənlərin rasionunda mütləq olmalıdır. Eyni zamanda günəbaxan tumu və qoz haşimoto xəstələri üçün çox faydalıdır".