Akademik M.A.Topçubaşov adına Elmi Cərrahiyyə Mərkəzinin Anesteziologiya-reanimasiya şöbəsinin müdiri, tibb elmləri doktoru Fuad Həsənov Azərbaycan Respublikasının Prezidenti yanında Ali Attestasiya Komissiyasının 28 yanvar 2022-ci il tarixli qərarı ilə “Anesteziologiya və reanimatologiya” ixtisası üzrə professor elmi adını alıb.

Aztibb.az xəbər verir ki, bu barədə Ali Attestasiya Komissiyası məlumat yayıb.

Qeyd edək ki, Fuad Həsənov 1981-ci ildə namizədlik, 2012-ci ildə isə doktorluq dissertasiyalarını müdafiə edib.

Alimin apardığı elmi tədqiqatlar nəticəsində kəskin cərrahi xəstəliklər zamanı baş verən trombohemorragik sindromun (THS) səbəbləri və inkişaf mexanizmi, erkən diaqnostika, profilaktika və müalicə məsələləri öyrənilib. THS inkişaf etmiş xəstələrdə ilk dəfə olaraq "kritik hallarda olan xəstələrin ağırlıq dərəcəsini qiymətləndirmə şkalaları" tətbiq edilib və onların müqayisəli təhlili aparılıb.