M.Cavadzadə adına Respublika Kliniki Uroloji Xəstəxanasının baş həkimi Pərviz Hacıyev vəzifəsindən azad olunub.

Aztibb.az xəbər verir ki, bu barədə o, sosial şəbəkədə paylaşım edib.

Pərviz Hacıyev öz istəyi ilə vəzifəsindən ayrıldığını bildirib, bu addımı inkişafına və pasiyentlərinə daha çox vaxt ayırmaq üçün atdığını deyib.

Həkim etimad göstərdiklərinə görə Tibbi Ərazi Bölmələrini İdarəetmə Birliyinin və İcbari Tibbi Sığorta üzrə Dövlət Agentliyinin rəhbərliyinə təşəkkür edib: "1,5 ildə Respublika Klinik Uroloji Xəstəxanasında gözəl insanlar tanıdım, müəllimlər, dostlar qazandım. Köklü urologiya məktəbi ailəsinin üzvü oldum, mənə sahib çıxdılar. Ümid edirəm, daha da gözəl işlərə imza atacaqlar. Hamıya uğurlar arzulayıram."